இந்த 14 இந்தியர்களில், 3 பேரையாவது உங்களுக்கு தெரியுமா...!?

இந்த 14 இந்தியர்களில், 3 பேரையாவது உங்களுக்கு தெரியுமா...!? 

"ஆல்பர்ட் ஐன்ஸ்டீனை தெரியுமா..?", "தாமஸ் எடிசனை தெரியுமா..?" என்றெல்லாம் கேட்டால், பெரும்பாலும் தெரியும் என்ற பதில் தான் கிடைக்கும். அதுவே "ப்ரஃபுல்லா சந்திர ராய் தெரியுமா..?", "சலீம் அலி தெரியுமா" என்று கேட்டால் திருட்டு முழி முழிப்போம்.. அப்படித்தானே.?? முழிக்காமல் என்ன செய்வோம். அது நம் தவறு மட்டுமில்லை, இந்திய வரலாற்றின் தவறு..! 

இந்திய பாடப்புத்தகங்களில் அமெரிக்க விஞ்ஞானத்திற்கும் விஞ்ஞானிகளுக்கும் கொடுத்த முக்கியத்துவத்தில் பாதி அளவு நம் இந்திய விஞ்ஞானிகளுக்கும், ஆராய்ச்சியாளர்களுக்கும் கொடுத்திருந்தால் கூட ப்ரஃபுல்லா சந்திர ராய், சலீம் அலி போன்றவர்களை நமக்கு நன்றாகத் தெரிந்திருக்க கூடும்..! 

சரி , இந்த 14 'சாதனை' இந்தியர்களில் 3 பேரையாவது உங்களுக்கு தெரிகிறதா என்று பாருங்கள், தெரிந்தால் சூப்பர், இல்லையெனில் இன்றே தெரிந்துக்கொள்வோம் வாருங்கள்..!

'சாதனை' இந்தியர் #01 : ப்ரஃபுல்லா சந்திர ராய் (Prafulla Chandra Ray)

முதல் மருந்து நிறுவனம் : இந்தியாவின் முதல் மருந்து நிறுவனத்தின் நிறுவனர் ஆவர், பிரபல கல்வியாளர் மற்றும் வேதியியலாளர் என்பதும் குறிப்பிடத்தக்கது.

'சாதனை' இந்தியர் #02 : சலீம் அலி (Salim Ali)

பறவையியல் : 'பேர்ட்மேன் ஆப் இந்தியா' (Birdman of India) என்று அழைக்கப்படும் இவர் பறவையியல் எனப்படும் 'ஆர்னிதோலஜி'தனை உருவாக்க உதவியவர் ஆவார்..!

'சாதனை' இந்தியர் #03 : ஸ்ரீனிவாச ராமானுஜம் (Srinivasa Ramanujan)

பெரும் பங்களிப்பு : கணித மேதை என்று அழைக்கப்படும் இவர் கணித துறையின் பகுப்பாய்வு, எண் கோட்பாடு, எல்லையற்ற தொடர் மற்றும் தொடர் பின்னம் (mathematical analysis, number theory, infinite series and continued fractions) ஆகியவைகளில் பெரும் பங்களிப்பு கொண்டவர்.

'சாதனை' இந்தியர் #4 : #04 சர் சி வி ராமன் (C. V. Raman)

நோபல் பரிசு : ராமன் விளைவிற்காக (Raman Effect), 1930-ஆம் ஆண்டு பெற்ற இயற்பியலாளர்..!

'சாதனை' இந்தியர் #05 : ஹோமி ஜேஹாங்கிர் பாபா (Homi Jehangir Bhabha)

கருத்தியல் இயற்பியலாளர் : இந்திய அணுசக்தித் திட்டத்தின் சிறந்த தலைமை சிற்பி என அழைக்கப்படும், கருத்தியல் இயற்பியலாளர் ஆவார்..!

'சாதனை' இந்தியர் #06 : ஜகதீஷ் சந்திர போஸ் (Jagadish Chandra Bose)

நுண்ணலை ஒளியியல் விசாரணை : வானொலி மற்றும் நுண்ணலை ஒளியியல் விசாரணையில் ( investigation of radio and microwave optics) முன்னோடியான இவர் ஒரு இயற்பியல் , உயிரியல் மற்றும் தொல்பொருள் (Physicist, biologist and archaeologis) ஆய்வாளர் ஆவார் என்பதும் குறிப்பிடத்தக்கது.!

'சாதனை' இந்தியர் #07 : சத்யேந்திர நாத் போஸ் (Satyendra Nath Bose)

மின்காந்த கதிர்வீச்சின் குணங்கள் : வாயுபோன்ற மின்காந்த கதிர்வீச்சின் குணங்கள் (gaslike qualities of electromagnetic radiation) தொடர்பான ஒரு கோட்பாடு உருவாக்குவதில் ஆல்பர்ட் ஐன்ஸ்டீன் உடன் இணைந்து பணியாற்றியவர்.

'சாதனை' இந்தியர் #08 : ஹர் கோவிந்த் கொரானா (Har Gobind Khorana)

நோபல் பரிசு : நியூக்ளிக் அமிலங்கள் உள்ள நியூக்ளியோடைட்கள் புரதங்கள் தொகுப்பைக் எப்படி கட்டுப்படுத்துவது என்ற ஆய்விற்காக 1969 ஆம் ஆண்டு நோபல் பரிசு பெற்ற உயிர்வேதியியலாளர் ஆவார்.

'சாதனை' இந்தியர் #09 : எஸ் எஸ் அப்யன்கர் (S.S. Abhyankar)

இயற்கணித வடிவவியல் : கணித மேதையான இவர் இயற்கணித வடிவவியலில் (algebraic geometry) பெரும் பங்கு வகிக்கிறார்.

'சாதனை' இந்தியர் #10 : மேக்நாத் சாஹா (Meghnad Saha)

சஹா சமன்பாடு : இவர் நட்சத்திரங்களில் உள்ள இரசாயன மற்றும் உடல் நிலைமைகளை விளக்கும் சஹா சமன்பாட்டை (Saha equation) உருவாக்கிய ஆஸ்டிரோபிசிஸ்ட் (Astrophysicist) ஆவார்..!

'சாதனை' இந்தியர் #11 : சுப்ரமண்யன் சந்திரசேகர் (Subrahmanyan Chandrasekhar)

நோபல் பரிசு : பெரிய அளவிலான நட்சத்திரங்களின் வளர்ச்சி நிலை சார்ந்த ஆய்விற்காக 1983 ஆம் ஆண்டு நோபல் பரிசு பெற்ற ஆஸ்டிரோபிசிஸ்ட் (Astrophysicist) ஆவார்..!



'சாதனை' இந்தியர் #12 : ராஜ் ரெட்டி (Raj Reddy)

செயற்கை நுண்ணறிவு : ஏ.எம் டூரிங் விருது வென்ற கணினி விஞ்ஞானியான இவர், செயற்கை நுண்ணறிவு அமைப்புகள் (artificial intelligence systems) தொடர்பான ஆய்வில் சிறந்து விளங்குபவர் என்பதும் குறிப்பிடத்தக்கது..!


'சாதனை' இந்தியர் #13 : பிர்பல் சஹாணி (Birbal Sahni)

படிமங்கள் : பலியோபொடனி (Paleobotany) எனப்படும் தாவரங்கள் சார்ந்த ஆய்வு பிரிவில் இந்திய துணைக்கண்டத்தின் படிமங்கள் சார்ந்த இவரது ஆராய்ச்சி மிக முக்கியவமானவைகள் ஆகும்..!

'சாதனை' இந்தியர் #14 : பிரசந்த சந்திர மஹாலோனோபிஸ் (Prasanta Chandra Mahalanobis)

புள்ளியியல் : இந்திய புள்ளியியல் நிறுவனத்தை (Indian Statistical Institute) நிறுவிய புள்ளியியல் மற்றும் இயற்பியலாளர்.

மனித அறிவியலை 'துச்சமாக' கருதும் 11 மிரட்டல் மனிதர்கள்..!

மனித அறிவியலை 'துச்சமாக' கருதும் 11 மிரட்டல் மனிதர்கள்..!

ஒரு மனிதன், நாள் ஒன்றுக்கு இவ்வளவு மணி நேரம் தூங்க வேண்டும், இவ்வளவு நீர் குடிக்க வேண்டும், சராசரியாக உடல் வெப்பம் இவ்வளவு இருக்க வேண்டும் - போன்றவைகளைத் தான் நாம் 'ஹுமன் சயின்ஸ்' (Human Science) அதாவது மனித அறிவியல் என்கிறோம்..! 

அப்படியான மிகவும் அத்தியாவசியமான மனித அறிவியலை 'துச்சமாக' நினைக்கும் மிகவும் அசாதாரணமான சக்திகளை கொண்ட 11 மனிதர்களை நாம் இங்கே சந்திக்க இருக்கின்றோம்..!

மிரட்டல் மனிதர் 11 : 

சாத்தியமான மூளை சக்தி கொண்ட டேனியல் டாம்மெட்..!

சக்தி : 
5 மணி நேரம் 9 நிமிடங்களில் சுமார் 22,414 தசம எண்களை எந்த விதமான பிழையும் இன்றி நினைவில் வைத்துக் கொள்ளும் திறன் கொண்டவர்.

மிரட்டல் மனிதர் 10 : 

சதைகளையும் எலும்புகளையும் பிரித்துப்பார்க்க கூடிய நடாஷா தெம்கீனா..!
சக்தி : 
எக்ஸ் ரே கண்கள் கொண்டவர், அதாவது மனித சதையை ஊடுருவி காணும் சக்தி கொண்டவர்.

மிரட்டல் மனிதர்கள் 09 : 

உடலையும் உள்ளத்தையும் ஒரே புள்ளியில் நிறுத்தும் வல்லமை கொண்ட திபெத்திய துறவிகள்..!

சக்தி : இவர்கள் மனதை பயன்படுத்தி உடலின் வெப்பத்தை கட்டுக்குள் வைக்கும் திறன் கொண்டவர்கள்.

மிரட்டல் மனிதர் 08 : 

ந்காக் தாய், நோய் தாக்குதலுக்குப்பின் கிடைத்த சக்தி வரமா சாபமா என்பது தான் முதல் கேள்வி, பின்பு தான் அசாதரணமான மனிதர் ஆவார்.

சக்தி : 1973-ஆம் ஆண்டு மோசமான உடல் நிலை பிரச்சனைக்கு பிறகு இவரால் இன்று வரை தூங்க முடியவில்லை. இவர் தூக்கமே இல்லாதவர் ஆவார்.

மிரட்டல் மனிதர் 07 : 

கேமிரா கண்களை கொண்ட ஸ்டீபன் வில்ட்ஷிரே..!

சக்தி : அசாத்தியமான போட்டோகிராபிக் மனம் கொண்டவர். ஒரு பொருளை ஒரே ஒருமுறை பார்த்தாலும் கூட அதை மிக துல்லியமாக வரையக்கூடியவர்.

மிரட்டல் மனிதர் 06 : 

தி ரப்பர் பாய் (Rubber Boy)என்று அழைக்கப்படும் டேனியல் ப்ரவ்னிங் ஸ்மித்..!

சக்தி : இவரை போல் வளைந்து கொடுக்கும் தன்மை கொண்ட மனிதர் உலகில் இல்லை..!

மிரட்டல் மனிதர் 05 : 

நிகழ உலக டேர் டெவில் சக்தி 'கொண்டிருந்த' பென் அண்டர்வூட்..!

சக்தி : சோனார் விஷன் (Sonar Vision) கொண்டவர் அதாவது, கண்களை பயன்படுத்தாமல் கூட இவரால் காட்சிகளை காண முடியும். இவர் 2009 ஆம் ஆண்டு புற்றுநோயால் மரணம் அடைந்து விட்டார் என்பது குறிப்பிடத்தக்கது.

மிரட்டல் மனிதர் 04 : 
லயன் விஸ்ப்பரர் (Lion whisperer) எனப்படும் கெவின் ரீச்சார்ட்சன்..!

சக்தி : பிக் கேட்ஸ் எனப்படும் சிங்கம், புலி போன்றவைகளுடன் பேசும் சக்தி கொண்ட இவர் கொடூரமான காட்டு விலங்குகளை எல்லாம் மிகவும் எளிமையாக தன் வழிக்கு கொண்டு வந்துவிடும் சக்தி கொண்டவர்..!

மிரட்டல் மனிதர் 03 : 

விளக்கமுடியாத திறன் (unexplainable ability) என்பதின்கீழ் கின்னஸ் சாதனையை கைவசம் வைத்துள்ள, மலேசியாவை சேர்ந்த இராதாகிருஷ்ணன் வேலு.!

சக்தி : ஒரே கம்பியில் ஒன்றன் பின் ஒன்றாக இணைக்கப்பட்டுள்ள ஏழு ரயில் பெட்டிகளை பற்களால் கடித்து இழுக்கும் சக்தி கொண்டவர்..!

மிரட்டல் மனிதர் 02 : 
இந்தியாவின் தீராத ஒரு மர்மங்களில் ஒன்றான ப்ராலத் ஜனி..!

சக்தி : 1940-ல் இருந்து உணவு மற்றும் நீர் இன்றி உயிர் வாழ்பவர் என்று கோரப்படுபவர்..!

மிரட்டல் மனிதர் 01 : 

தி ஐஸ் மேன் (The Ice man) என்று கூறப்படும் விம் ஹொஃப் ஏ.கே.ஏ..!

சக்தி : இரண்டு மணி நேரம் உறைபனியில் மூழ்கி இருந்தாலும் கூட உடல் வெப்பத்தில் சிறிதளவு மாற்றம் மட்டுமே உருவாகும் உடலமைப்பு கொண்டவர்.

"முதல் மின்னணு டிஜிட்டல் கணினியை ப்ரோகிராமிங் செய்த 6 பெண்கள்" மறைக்கப்பட்ட வரலாறு

"முதல் மின்னணு டிஜிட்டல் கணினியை ப்ரோகிராமிங் செய்த 6 பெண்கள்" மறைக்கப்பட்ட வரலாறு

6 பெண்களுக்கு எதிராக அமெரிக்கா செய்த வரலாற்று துரோகம்..! 

1942 ஆம் ஆண்டுக்கு முன்பு ஆறு கணிதவியலாளர்கள், ஒரு உயர்மட்ட இரகசிய திட்டத்தில் வேலை செய்வதற்காக அமெரிக்க அரசால் பணியமர்த்தப்பட்டனர். அவர்களின் பணி - அமெரிக்கா முதல் மின்னணு டிஜிட்டல் கணினியை (ENIAC) உருவாக்க வேண்டும் என்பது தான்..! 

எந்தவொரு முறையான குறியீட்டு மொழியும், அதிநவீன கருவிகளும் இல்லாத அந்த காலக்கட்டத்தில் அது பெரிய சவாலான அதேப் சமயம் சரித்திர புகழ்மிக்க ஒரு வேலையாக இருந்தது. ஆனால், அதனுடன் சேர்த்து ஒரு வரலாற்று துரோகமும் நிகழ்த்தப்பட இருந்தது..!

இயந்திரம் : 

எந்தவொரு இயந்திரத்தை விடவும் 10,000 மடங்கு வேகமாக அதே சமயம் சிக்கலான கணக்கீடுகள் செய்ய தகுந்த ஒரு இயந்திரம் உருவாக்கப்பட வேண்டும் என்று அந்த 6 பெண் கணிதவியலார்களும் பணிக்கப்பட்டனர்.

டிஜிட்டல் புரட்சி : 

உண்மையில் சொல்லப்போனால் இந்த பணியை டிஜிட்டல் புரட்சியின் ஆரம்பம் என்றே கூறலாம். இந்த பணிக்காக - பெட்டி ஜீன் ஜென்னிங்ஸ் பரடிக், காத்லீன் மெக்நல்டி மொச்லி அண்டோநெல்லி, ரூத் லிட்சர்மென் டெடல்பாம், பிரான்சஸ் பிளாஸ் ஸ்பென்ஸ் , மர்லின் வெஸ்காப் மெல்ட்சர் , மற்றும் பெட்டி ஸ்னைடர் ஹோல்பர்டன் என்ற 6 பெண்கள் நியமிக்கப்பட்டன.

ப்ரோகிராமிங் : 

இனியாக் (ENIAC) அதாவது எலெக்ட்ரானிக் நுமரிக்கல் இன்டர்கிரேட்டர் அண்ட் கம்ப்யூட்டர் (Electronic Numerical Integrator and Computer) என்ற இயந்திரத்தை உருவாக்கியது பெரும்பாலும் ஆண்கள் உள்ளடங்கிய ஒரு குழு தான். ஆனால், அதை இயக்கம் செய்ய ப்ரோகிராமிங் செய்தது இந்த 6 பெண்கள் மட்டும் தான்..!

திறமைசாலிகள் : 

முதல் மின்னணு டிஜிட்டல் கணினி உருவாக்கப்பட்ட காலத்தில், இந்த 6 பெண்கள் கொண்ட குழுவந்து அனைவராலும் 'கம்ப்யூட்டர்' என்று செல்லமாக அழைக்கப்பட்டது என்பதும், அந்த அளவிற்கு அவர்கள் திறமைசாலிகளை இருந்தார்கள் என்பதும் குறிப்பிடத்தக்கது.

பெரிய அறை : 

கிட்டத்தட்ட 18,000 வெற்றிட குழாய்கள், 70,000 ரெசிஸ்டர்கள் , 10,000 மின்தேக்கிகள், 5 மில்லியன் ஹாண்ட் சொல்டர்டு ஜாயின்ஸ் என ஒரு பெரிய அறை முழுக்க வயரிங் விளக்கப்படங்கள் மற்றும் கம்ப்யூட்டருக்கான ரவுண்ட்-தி-கிளாக் அக்செஸ் (round-the-clock access) என அனைத்தையும் அந்த 6 பெண்கள் செய்து கொடுத்தன

வெற்றி : 

இரண்டு முதல் மூன்று ஷிபிட்கள் என, வாரம் 6 நாட்கள் கடுமையாக உழைத்த இந்த 6 பெண்கள் கொண்ட குழுவானது இறுதியில் தனக்கு கொடுத்த பணியை வெற்றிகரமாக செய்து முடித்தது. பின் அந்த கம்ப்யூட்டர்தனை எப்படி பயன்படுத்த வேண்டும் என்று அனைவருக்கும் கற்றும் கொடுத்தனர்.

ஓரமாக நிறுத்தப்பட்டு ஒதுக்கப்பட்டனர் : 

பின்பு இனியாக் ஆனது செய்தியாளர்களுக்கு அறிமுகம் செய்யப்பட்டபோது, இனியாக்-கின் வெற்றிக்கு அடித்தளமாக இருந்த 6 பெண்களும் எதோ மெஷின் அருகே நிற்க வைக்கப்டும் மாடல்கள் போல ஒரு ஓரமாக நிறுத்தப்பட்டு ஒதுக்கப்பட்டனர். பாலின பிரச்சனையால் அந்த 6 பெண்களின் திறமையும் உழைப்பும் பூசிமொழுகப்பட்டது.

சான்று கிடையாது : 

இந்த 6 பெண்களுக்கும் அமெரிக்க இராணுவத்திடம் இருந்து பாராட்டு சான்றிதழ்கள் வழங்கப் பட்டதோடு சரி, அது தவிர்த்து இனியாக் ப்ராஜக்ட்டிற்கும், இவர்களுக்கும் தொடர்பு உண்டு என்பதற்கு எந்த விதமான அதிகாரப்பூர்வ சான்றும் கிடையாது.

உச்சகட்ட துரோகம் : 

அதுமட்டுமின்றி 'இனியாக்' அறிமுகம் செய்யப்பட நாள் அன்று நடத்தப்பட்ட விருந்தில் சக ஆண் ஊழியர்களுக்கு அருகில் அமர இந்த 6 பெண்களுக்கும் அனுமதி மறுக்கப்பட்டது என்பது தான் உச்சகட்ட துரோகம்..!

உலகத்திற்கு அம்பலமானது : 

50 ஆண்டுகளுக்கு பிறகு அதாவது 1997 ஆம் ஆண்டு தான் இந்த 6 பெண்களின் பெரும் பங்களிப்பு உலகத்திற்கு அம்பலமானது. பின்பு தான் அவர்கள் கவுரவிக்கப்பட்டர்கள், தொழில்நுட்ப உலகமே அவர்களை பாராட்டித் தள்ளியது.

ஆவணப்படம் : 

பின்பு 2014 ஆம் ஆண்டு இந்த 6 பெண்கள் மற்றும் அவர்களின் அதீத உழைப்பு சார்ந்த ஆவணப்படமான - 'தி கம்ப்யூட்டர்ஸ்' வெளியானது.!

ஒரு மணிநேரம் பற்களை அலுமினியத்தாள் கொண்டு மூடினால் என்ன நடக்கும் தெரியுமா?

ஒரு மணிநேரம் பற்களை அலுமினியத்தாள் கொண்டு மூடினால் என்ன நடக்கும் தெரியுமா?

பலரும் பற்களில் உள்ள மஞ்சள் கறைகளைப் போக்க பல வழிகளை தேடிக் கொண்டிருப்பார்கள். அதில் சிலர் பணம் செலவழித்து பல் மருத்துவரிடம் பற்களை சுத்தம் செய்வார்கள். பலர் எப்போதும் போன்று டூத் பேஸ்ட்டுகளைப் பயன்படுத்தி வருவார்கள். 


பொதுவாக பற்களை வெண்மையாக்குவதற்கு விற்கப்படும் பேஸ்ட்டுகளில் கார்பமைடு பெராக்ஸைடு மற்றும் சிறிய துகள்கள் பற்களின் எனாமலை சுத்தம் செய்ய பயன்படுத்தப்படுகின்றன. ஆனால் பற்களை வெண்மையாக்க பல இயற்கை வழிகளும் உள்ளன. 

இங்கு அதில் ஒரு அற்புதமான வழி கொடுக்கப்பட்டுள்ளது. அதைப் படித்து பின்பற்றினால் நிச்சயம் உங்கள் பற்களை வெள்ளையாக மின்னச் செய்யலாம்.

பற்களை வெள்ளையாக்கும் முறை 

பற்களை வெள்ளையாக்குவதற்கு ஓர் நேச்சுரல் டூத் பேஸ்ட்டும், அலுமினியத்தாளும் அவசியம்.

தேவையான பொருட்கள் 
பேக்கிங் சோடா - 1/2 டீஸ்பூன் 
உப்பு - 1/2 டீஸ்பூன் 
தண்ணீர் - சிறிது அலுமினியத்தாள்

செய்யும் முறை 
பேக்கிங் சோடா, உப்பு மற்றும் நீரை ஒன்றாக கலந்து பேஸ்ட் செய்து கொள்ள வேண்டும். பின் அதனை பற்களில் தடவிக் கொள்ள வேண்டும்.

அலுமினியத்தாள் 

பின் படத்தில் காட்டியவாறு அலுமினியத்தாளைக் கொண்டு பற்களை மூடி, 1 மணிநேரம் ஊற வைக்க வேண்டும்.

பற்களை துலக்கவும் 
1 மணிநேரம் கழித்து, டூத் பிரஷ் கொண்டு பற்களை மென்மையாக தேய்த்து, குளிர்ந்த நீரில் நன்கு வாயைக் கொப்பளிக்க வேண்டும்.

குறிப்பு இந்த முறையை மாதத்திற்கு 2 முறைக்கு மேல் செய்ய வேண்டாம். இல்லாவிட்டால் பற்களின் எனாமல் பாதிக்கப்படும்.

100 ஆண்டுகளாய் சாகாமல் வாழ்கிறார் ரஷ்ய அதிபர் புதின்..!?

சிக்கியது புகைப்பட ஆதாரம் : 100 ஆண்டுகளாய் சாகாமல் வாழ்கிறார் புதின்..!?

உலகின் மிகவும் சக்தி வாய்ந்த மனிதர்களின் பட்டியலில் ரஷ்ய அதிபர் புதினுக்கு எப்போதுமே ஒரு இடம் உண்டு. அப்படியானதொரு ஆளுமைத்திறனை கொண்ட இவரை உலகின் சூப்பர் பவர் நாட்டு தலைவர்கள் தொடங்கி பல தீவிரவாத இயக்கங்கள் வரை காண்கானித்துக் கொண்டே தான் இருக்கிறார்கள் என்பது தான் நிதர்சனம். 

அப்படியான, விளாதிமிர் புதின் 100 ஆண்டுகளாய் சாகாமல் வாழ்கிறார் என்றும், அவருக்கும், மர்மமான டைம் டிராவலுக்கும் தொடர்பு உண்டு என்பது போன்றும் பல புகைப்பட ஆதாரங்கள் தற்போது சமூக வலைதளங்களில் வைரல் ஆகிக்கொண்டு வருகிறது.

சதி ஆலோசனை

சமீபத்தில், கான்ஸ்பிரஸி தியேரிஸ்ட்ஸ் (Conspiracy theorists) எனப்படும் சதி ஆலோசனை கோட்பாட்டாளர்களிடம், 1920-ஆம் ஆண்டு மற்றும் முறையே 1941-ஆம் ஆண்டு எடுக்கப்பட்ட இரண்டு வெவ்வேறு புகைப்படங்கள் கிடைத்துள்ளது.

அச்சு அசல்

அந்த புகைப்படத்தில் இருக்கும் இரண்டு நபர்களும் அச்சு அசலாக ரஷ்ய அதிபர் விளாதிமிர் புதின்போன்றே இருப்பதை கண்டு அதிர்ச்சி அடைந்துள்ளனர்.

1920 ஆண்டு

சரியாக 1920-ஆம் ஆண்டு எடுக்கப்பட்டுள்ள இந்த புகைப்படத்தில் இருக்கும் ஒரு ரஷ்ய ராணுவ வீரன், புதினின் முக ஜாடையோடு அதிகமாக ஒற்றுப்போவதை காண முடிகிறது.

1941 ஆண்டு

மேலும் அதே போன்று 20 ஆண்டுகள் கழித்து, அதாவது 1941-ஆம் ஆண்டு எடுக்கப்பட்ட மற்றொரு புகைப்படத்திலும் புதின் முகஜாடையோடு அதிகம் ஒற்றுப்போகும் ரஷ்ய ராணுவ வீரனை காண முடிகிறது.

டைம் டிராவல்

இதன் மூலம் ரஷ்ய அதிபர் புதின், மிகவும் மர்மமான கோட்பாடான டைம் டிராவல் (Time Travel) உடன் தொடர்பு உடையவர் என்று சில சதி ஆலோசனை கோட்பாட்டாளர்கள் கருத்து தெரிவித்துள்ளார்கள்.

100 ஆண்டுகள்

மேலும் புதின் 100 ஆண்டுகள் கழிந்தும் வாழும், வயதில்லாத மற்றும் மரணமில்லாத மனிதர் என்றும் சதி ஆலோசனை கோட்பாட்டாளர்கள் கருத்து தெரிவித்துள்ளார்கள்.

வ்லாட் தி இம்பாலர்

மேலும் புதின் என்பவர், 1431-ஆம் ஆண்டு பிறந்த வ்லாட் தி இம்பாலர் (Vlad the Impaler) என்று சிலர் நம்புகின்றனர் என்பதும் குறிப்பிடத்தக்கது.

மோனாலிஸா

சமீபத்தில் லியொனார்டோ டா வின்சி வரைந்த பிரபல மோனாலிஸா ஓவியத்தில் புதின் முகஜாடை இருப்பதாகவும் ஒரு செய்தி வெளியாகி வைரல் ஆனதும் குறிப்பிடத்தக்கது.

லியொனார்டோ டா வின்சி

1500-களில் தான் மோனாலிஸா ஓவியம் வரையப்பட்டது என்பதால் வ்லாட் தி இம்பாலரை புதின் என்று நம்புபவர்கள் மோனாலிஸாவை வரைந்த காலத்தில் லியொனார்டோ டா வின்சி உடன் வ்லாட் தி இம்பாலர் இருந்துள்ளார் என்றும் நம்புகின்றனர்.

கிரேக்க நாட்டு தளபதி

ட்விட்டரில் பதிவான இந்த ஓவியத்தில் புதின் முகஜாடையோடு ஒற்றுப்போகும் கிரேக்க நாட்டு தளபதி ஒருவரை காண முடிகிறது.

டச்சு நாட்டு ஓவியர்

ஜான் வான் ஐக் (Jan van Eyck) என்ற டச்சு நாட்டு ஓவியர் வரைந்த பல ஓவியங்களிலும் இருக்கும் ஒரு நபர் விளாதிமிர் புதினின் முகத்தை ஒற்று இருக்கிறார் என்பதையும் ட்விட்டர் பதிவு ஒன்று வெளிப்படுத்தியது.

கலைஞர் எம்.சி.எஸ்சர்

மேலும் 1972-ஆம் ஆண்டு மரணமடைந்த கலைஞர் எம்.சி.எஸ்சர் (M. C. Escher) ஓவியப்படைப்பிலும் புதின் முகத்தை காண முடிகிறது என்பதையும் ட்விட்டர் பதிவு ஒன்று வெளிப்படுத்தியது.

நிரூபிக்கப்படவில்லை

மேலும் சதி ஆலோசனை கோட்பாட்டாளர்களிடம் கிடைத்த மற்றும் சமூக வலைதளங்களில் நிரம்பிய எந்த ஒரு புகைப்படமுமே இதுவரை அறிவியல் பூர்வமாக நிரூபிக்கப்படவில்லை என்பதும் குறிப்பிடத்தக்கது.

அமேசான் நதியின் கொலைகார மீன்கள்...!!!

அமேசான் நதியின் கொலைகார மீன்கள்...!!! 

மீன்களில் நாம் சாப்பிடக் கூடிய மீன்கள் பல உண்டு. சிக்கினால் நம்மையும் சாப்பிடும் சுறா, ஆக்டோபஸ் போன்றவையும் கடலில் வசிக்கின்றன. ஆனால் உருவத்தில் மிகச்சிறியதாக, ராட்சத மீன்களை விட மிகக் கொடூரமான ரத்த வேட்கை பிடித்த கொலைகார மீனும் இருக்கிறது.

தென் அமெரிக்கா கண்டத்தில் ஓடும் அமேசான் நதியில்தான் அந்த மீன்கள் வசிக்கின்றன. 'பிரான்ஹா' மீன் எனப்படும் அந்த மீன்கள் கூட்டம் கூட்டமாக காணப்படும்.

MONSTER RIVER

ரம்பம் போன்ற கூறிய பற்கள் தான் இந்த மீனின் ஆயுதம். இதற்கு பசி வந்து விட்டால் எது கிடைத்தாலும் சாப்பிட்டு விடும். நதிக்கு தண்ணீரை குடிக்க வரும் எலி முதல் யானை வரை எல்லாமே இதன் கண்களுக்கு இறைதான். இதன் கொடூரமான ரத்த வெறிக்கு ஒரு உதாரணத்தை சொல்கிறார்கள். 1976 - ம் ஆண்டு உருபு நதி என்ற ஒரு நதியில் அந்த வழியாக சென்று கொண்டிருந்த ஒரு பஸ் கவிழ்ந்து விட்டது. தகவல் கிடைத்த சில மணி நேரங்களுக்குள் ஒரு மீட்புக் குழு அந்த நதிக்கு சென்றது. ஆனால் அவர்களுக்கு கிடைத்தது பஸ் பயணிகளில் ஒரு சிலருடைய எலும்புக் கூடுகள் மட்டுமே.

ஒரு சிறிய மீன் எப்படி இவ்வளவு பயங்கரமான பிராணியாக இருக்கிறது என்பதை தெளிவாக கண்டறிந்திருக்கிறார்கள், நீர் வாழ் உயிரின ஆய்வாளர்கள். 'பிரான்ஹா' மீன்கள் சிறியவையாக இருந்தாலும் அவற்றின் மண்டை ஓடும், பற்களும் மிகவும் பலம் பொருந்தியவை. குறிப்பாக பற்கள் மரங்களை அறுக்க உதவும் ரம்பம் போல் கூர்மையாக காணப்படுவதுடன், வாயை மூடும் போது மேற்பர்களும் கீழ்ப்பர்களும் மிக கச்சிதமாக பொருந்தும்படி அமைந்துள்ளன. அதனால் இதன் வாயில் சிக்கிய எந்த பொருளும் அவ்வளவு எளிதாக தப்ப முடியாது.

இரண்டாவதாக, இந்த மீன்கள் தனியாக இறை தேடப்போவதில்லை. இந்த மீனுக்கு மிகச்சிறந்த மோப்ப சக்தி உண்டு. அது வசிக்கும் தண்ணீரில் இறங்கும் எந்த பிராணியையும் சில நொடிக்குள் மோப்பம் பிடித்து விடும். அடுத்த சில நிமிடங்களில் படு வேகமாக நீந்தி இரையை பிடித்து விடும். இவற்றுக்கு குதிரை, மான், மாடுகள் போன்ற விலங்குகள் இரையாக கிடைக்காவிட்டால் மற்ற இன மீன்களை சாப்பிடத் தொடங்கி விடும்.

அதேநேரம், 'பிரான்ஹா' மீன்கள் இருக்கும் நதியில் அமேசான் நதி ஒர கிராமங்களில் வசிக்கும் மக்கள் நீந்துகிறார்கள் . அவர்கள் இந்த மீனை கண்டு பயப்படுவதில்லை என்கிறார்கள். என்னதான் 'பிரான்ஹா' மீன்கள் பெரிய கொலைகார மீன்களாக இருந்தாலும் அவையும் மனிதனின் அடுப்பில் உணவாக வந்து தான் சேர்கின்றன. தென் அமெரிக்க பழங்குடியுனர் 'பிரான்ஹா' மீன்களை ஆற்றுக்குள் இறங்காமல் லாவகமாக பிடித்து விடுகிறார்கள். அதாவது, மயக்கமூட்டும் ஒரு செடியின் சாற்றை நதி நீரில் கலந்து விடுகிறார்கள். இந்த சாற்றின் நெடியால் மயக்கமடைந்து நீரில் மிதக்கும் 'பிரான்ஹா' மீன்களை எடுத்து வந்து குழம்பு வைத்து விடுகிறார்கள். இந்த மீனின் பற்களை அம்புக்கு முனைகளால கட்டுகிறார்கள். எவ்வளவு பெரிய 'பிரான்ஹா'வும் மனிதனிடம் மாட்டினால் கடைசியில் அதன் முடிவு அதோ கதிதான்.

ஓரியன் விண்தொகுப்பும் மாயன்களும் .

ஓரியன் விண்தொகுப்பும் மாயன்களும் .

ரேடியோ மற்றும் ரேடார் வானியல் குறித்தெல்லாம் கி. பி. 1945 க்குப் பிறகுதான் விஞ்ஞான உலகம் தெரிந்துகொண்டது. அதற்குப் பல ஆயிரம் ஆண்டுகளுக்கு முன்னால், மாயர்கள் எப்படிப் பால்வழி விண்கூட்டம் பற்றித் தெரிந்து வைத்திருந்தார்கள்?  விடை தெரியாத ஆச்சரியம் இது!

ஓரியன் விண்தொகுப்பு (Orion Constellation) என்பது மிகப் பிரகாசமான நட்சத்திர மண்டலங்களுள் ஒன்று. தமிழில் ஓரியனைப் பிரஜாபதி என்று சொல்கிறார்கள். இது வேடன் வடிவம் கொண்டதாக வர்ணிக்கப்படுகிறது. அவன் கையில்  வாள்போல் ஒரு பகுதி தெரியும். இந்தப் பகுதியின் பெயர் ஓரியன் நெபுலா.

பதினேழாம் நூற்றாண்டின் தொடக்கத்தில்தான், ஓரியன் நெபுலா வானியல் ஆராய்ச்சியாளர்களால் கண்டுபிடிக்கப்பட்டது. இதன் புகைப்படமே 1880ல் தான் முதன் முதலாக எடுக்கப்பட்டது.

ஆனால், மாய நாகரிகப் பழங்கதைகளில் ஓரியன் விண்தொகுப்பு, நெபுலா ஆகியவற்றின் வர்ணனைகள் காணப்படுகின்றன. இவை புகைப்படம் காட்டும் தோற்றங்களோடு ஒத்தும் போகின்றன. விடை இல்லாத இன்னொரு ஆச்சரியம்!

மாயர்கள் நாகரிக வரளாற்றின் மைல்கற்கள் என்று ஆராய்ச்சியாளர்கள் குறிப்பிடும் நிகழ்ச்சிகள் இவைதாம்:

*    கி. மு. 11000
மாயப் பகுதிகளில் மக்கள் முதன் முதலாகக் குடியேறத் தொடங்கினார்கள். இவர்கள் அக்கம் பக்க நாடுகளிலிருந்து வந்திருக்கலாம். இவர்கள் தங்கள் உணவுகளான காய்கறிகள், பழங்கள், பறவைகள், விலங்குகள் ஆகியவற்றை வேட்டையாடி, அவற்றைச் சமைக்காமல், பச்சையாகச் சாப்பிட்டு  வாழ்ந்தார்கள்.
*    கி. மு. 2000
மாய நாகரிகம் தொடங்குகிறது. மக்கள் வேட்டையை மட்டும் நம்பியிருக்காமல், விவசாயத்தில் ஈடுபடத் தொடங்குகிறார்கள்.
*    கி. மு. 700
மாயர்களின் எழுத்துக்கள் தொடங்குகின்றன. இவை சித்திர எழுத்து வகையைச் சேர்ந்தவை. அதாவது வாசிக்கும் முறையில் இல்லாமல், பட அமைப்புடைய எழுதுதல் முறை.
*    கி. மு. 400
கி. மு. 400- ன் கல்வெட்டுகளில் மாயர்கள் கண்டுபிடித்த நாள்காட்டிகள் பற்றிய ஆதாரங்கள் கிடைத்துள்ளன. இந்தக் காலகட்டத்திலோ அல்லது இதற்கு முன்பாகவோ, காலண்டர்கள் கண்டுபிடிக்கப்பட்டிருக்கலாம்.
* கி. மு. 300
மன்னர்கள், பிரபுக்கள், பூசாரிகள் என ஆட்சிமுறை சீராக அமைக்கப்பட்டுள்ளது. ஒவ்வொரு பதவிகளுக்குமான பொறுப்புகள், அதிகாரங்கள் ஆகியவை வரையறுக்கப்பட்டிருக்கின்றன.
*    கி. மு. 100
டேயோட்டிவாக்கான் (Teotihuacan) என்ற நகரம் மாயர்களால் உருவாக்கப்படுகிறது.
இந்த நகரம் இன்றும் இருக்கிறது. கலை, மதம், வாணிபம் ஆகிய செயல்பாடுகள் இங்கே செழித்து வளர்ந்தன. பிரமிட்டுகள், கோயில்கள், அரண்மனைகள், பொதுச் சதுக்கங்கள் பிரம்மாண்டமாக இருந்த ஊர் இது.
*    கி. மு. 50
ஸெர்ரோஸ் (Cerros) என்ற நகரம் உருவாகிறது. கோயில்கள், மண்டபங்கள் ஆகியவை நிறைந்த நகரம் இது.
* கி. பி. 100
பல உள் நாட்டுக் கலவரங்கள் தொடங்குகின்றன. மாய நாகரிகம் சரிவுப் பாதையில் அடியெடுத்து வைக்கிறது.
*    கி. பி. 900
மேற்குப் பகுதிகளில் நகரங்கள் மெள்ள மெள்ள மறைகின்றன. அழிவின் ஆரம்பம்!
* கி. பி. 1511
கோன்ஸலோ குரேரோ (Gonzalo Guerrero) என்ற ஸ்பெயின் நாட்டுக்காரரின் கப்பல் புயலில் சிக்கி மாயர் பகுதியில் கரை தட்டுகிறது. அவர் அங்கு வாழும் உள்ளூர்ப் பெண்ணைத்  திருமணம் செய்துகொள்கிறார்.
*    கி. பி. 1517
ஸ்பெயின் நாடு மாயர்கள்மேல் போர் தொடுக்கிறது. 90 சதவிகிதத்துக்கும் மேற்பட்ட மாயர்கள் ஸ்பெயின் வீரர்களால் கொல்லப்படுகிறார்கள். அவர்கள் மட்டுமல்ல,  மாயர்களின் கலாசாரமும் மறைகிறது.
கி. மு. 11000 தொடங்கி, கி. பி. 1517- இல் மறைந்த இந்த வரலாற்றில்
கி. மு. 2600 – கி. பி. 900 வரையான காலம் மாயன் நாகரிக காலம் என்று வரையறைக்கப்படுகிறது.
ஆராய்ச்சியாளர்கள் இந்தக் காலகட்டங்களை எப்படி முடிவு செய்தார்கள்? அவர்கள் முடிவுகள் எடுக்க எந்த ஆதாரங்கள் உதவின? எங்கிருந்து இவற்றைக் கண்டு பிடித்தார்கள்?
மாய நாகரிகத்தின் பெருமைகள் பத்தொன்பதாம் நூற்றாண்டில்தான் கண்டறியப்பட்டன.   கண்டுபிடித்த பெருமை ஃப்ரெடெரிக் காதெர்வுட் (Frederick Catherwood), ஜான் லாய்ட் ஸ்டீஃபென்ஸ் (John Lloyd Stephens) என்ற இருவருக்குமே உரியது.
காதெர்வுட்  இங்கிலாந்து நாட்டைச் சேர்ந்த ஓவியர், கட்டடக் கலைஞர். பழங்கால  நாகரிகங்களை ஓவியங்களாக வரைவதில் அவருக்கு ஆர்வம் அதிகம். எகிப்து, கிரீஸ், துருக்கி ஆகிய இடங்களுக்குப் பயணம் செய்து தான் பார்த்த காட்சிகளை, சிதிலமான கட்டடங்களை, பிரமிட்களை வரைந்து தள்ளினார். இவை புத்தகங்களாக வெளியாகின.
ஸ்டீஃபென்ஸ் அமெரிக்க நாட்டைச் சேர்ந்தவர். தொழிலால் வழக்கறிஞர். அவருக்கு உடல் நலத்தில் பிரச்னை ஏற்பட்டது. அவருடைய வேலைப் பளுவைக் குறைத்துக்கொள்ள வேண்டுமென்று மருத்துவர்கள் ஆலோசனை சொன்னார்கள்.
“ஒய்வு வேண்டாம், உலகின் பல பாகங்களுக்கு சுற்றுப் பயணம் போய் வரலாம்” என அவர் முடிவெடுத்தார். இத்தாலி, கிரேக்கம், துருக்கி, ரஷ்யா, போலந்து, பிரான்ஸ் ஆகிய பல நாடுகளுக்கு இந்த உலகம் சுற்றும் வாலிபர் போனார். தன் அனுபவங்களைப் புத்தகமாக எழுதினார்.
இங்கிலாந்தில் ஸ்டீஃபென்ஸ், காதெர்வுட் இருவரும் தற்செயலாகச் சந்தித்தார்கள். தம் சுற்றுப் பயண அனுபவங்களை இருவரும் பகிர்ந்து கொண்டார்கள். எழுத்துத் திறமை கொண்ட ஸ்டீஃபென்ஸும், ஓவியக் கலைஞர் காதெர்வுட்டும் தகுந்த வாய்ப்பு வரும்போது தங்கள் திறமைகளை ஒருங்கிணைத்து பணியாற்ற முடிவு செய்தார்கள்.
அந்த வாய்ப்பு விரைவில் வந்தது. அமெரிக்கக் குடியரசுத் தலைவர் ஸ்டீஃபென்ஸை மத்திய அமெரிக்க நாடுகளுக்குத் தூதுவராக நியமித்தார். ஸ்டீஃபென்ஸ் அந்த நாட்டின் பல பகுதிகளைச் சுற்றிப் பார்த்தார். மாய நாகரிகம் பற்றி அப்போது உலகம் அதிகமாக அறிந்திருக்கவில்லை. அப்படி ஒரு நாகரிகம் இருந்தது என்று தெரியுமே தவிர ஆதாரங்களோ, சிதிலமான கட்டங்களோ யார் கண்களிலும் படவில்லை. ஆதாரங்களைத் தேடி அலைந்தார் ஸ்டீஃபென்ஸ்.
மாயன்கள் பல புத்தகங்கள் எழுதினார்கள் என்று அவர் கண்டுபிடித்தார். ஆழமான மத நம்பிக்கை கொண்ட மாயன்களின் புத்தகங்கள் அவர்களுடைய நூற்றுக்கணக்கான கடவுள்களை மையமாக வைத்து எழுதப்பட்டவை என்பது சில குறிப்புகளிலிருந்து அவருக்குத் தெரிந்தது. அந்தப் புத்தகங்கள் கிடைத்தால் தன் பல கேள்விகளுக்கு விடை கிடைக்கும் என்று உணர்ந்தார்.
முயற்சியைத் தொடர்ந்த அவருக்கு ஒரு அதிர்ச்சி காத்திருந்தது. பதினைந்தாம் நூற்றாண்டில் மாயப் பகுதிகளை ஸ்பெயின் நாடு ஆக்கிரமித்தது. அவர்களுடைய கிறிஸ்தவ மத நம்பிக்கைகளோடு மாய மதக் கதைகள் ஒத்துப் போகவில்லை. சில ஸ்பெயின் மத வெறியர்கள் மாயர்களின் புத்தகங்களைத் தீயிட்டு எரித்தார்கள். எரிந்தவை புத்தகங்கள் மட்டுமில்லை, அளவிட முடியாத மதிப்புக் கொண்ட நாகரிக வரலாற்று ஆதாரங்களும்தான்.
அடுக்கடுக்காகத் தோல்விகளை சந்தித்தபோதும், மனம் தளராமல் ஸ்டீஃபென்ஸ் ஆதாரங்களைத் தேடினார். இந்த உழைப்பும் நம்பிக்கையும் பலன் கொடுத்தன.  போப்பல் வூ (Popol Vuh) என்ற பழங்காலக் கதைகளின் தொகுப்புப் புத்தகம் ஸ்டீஃபென்ஸ் கையில் கிடைத்தது.
மாய நாகரிகத்தின் மாஜிக் அவரை மயக்கத் தொடங்கியது. தான் போகும் இடங்களில் எல்லாம் பழங்கால மாய நாகரிக அடையாளைங்களை அவர் தேடத் தொடங்கினார்.
பழைய நாகரிகங்கள் பற்றிய விவரங்கள் கண்டுபிடிக்க அகழ்வு ஆராய்ச்சி பயன்படுகிறது. எந்த இடங்களைத் தோண்டினால்,. பழங்கால நாகரிகம் பற்றிய “புதையல்கள்” கிடைக்கலாம் என்று முதலில் அனுமானம் செய்யவேண்டும். அங்கே ஆழமாக, ஆழமாகத் தோண்ட வேண்டும்.
இது லாட்டரி மாதிரி. பல இடங்களில் தேட வேண்டும், தேடிக் கொண்டேயிருக்க வேண்டும். பழங்காலச் சான்றுகள் கிடைத்தால் உங்கள் முயற்சி வெற்றி. பணம், புகழ், தேடி வரும். சான்றுகள் கிடைக்காவிட்டால் உங்கள் வாழ்க்கையும் செலவிடும் பணமும்   வீண்.
எங்கே “புதையல்” கிடைக்கும் என்று அனுமானிப்பதுதான் முயற்சியின் முதல் படி.
எப்படி அனுமானிப்பார்கள்? புத்தகங்கள். ஓவியங்கள் ஆகியவை வழி காட்டும். இவற்றைவிட முக்கியமானவை சிதிலமான கட்டடங்கள், ஓவியங்கள் சிற்பங்கள் ஆகியவை.
இந்தச் சிதிலங்கள் பெரும்பாலான நாகரிகங்களில் தரைக்கு மேல் இருக்கும். அல்லது  சிதிலங்களின் அடையாளங்கள் தரைக்கு மேல் தெரியும். மாய நாகரிகத்தின் அகழ்வாராய்ச்சியில் புதிய பிரச்னை வந்தது. மாய நாகரிகம் நிலவிய இடம் மழை அதிகமாகப் பெய்யும் இடம், அடர்த்தியான காடுகள் நிறைந்த இடம். ஸ்பெயின் நாட்டவரின் ஆதிக்கத்தால், மாயன்கள் தங்கள் உறைவிடங்களை விட்டுப் புதிய பகுதிகளுக்கு இடம் பெயர்ந்தார்கள். அவர்கள் வாழ்ந்த பழைய இடங்களில்தானே நாகரிக அடையாளங்கள் கிடைக்கும்? ஆட்கள் வாழாத அந்த இடங்களை, கட்டடங்களை மரங்கள், காடுகள் மூடின.
மரங்கள் மூடிய இந்தப் புதையல் உலகத்துக்குத் தெரியாமலே போயிருக்கும்.  காடுகளுக்குள் போகும்போது, சில அடையாளங்களைப் பார்க்கும்போது, இங்கே ஒரு வரலாறு ஒளிந்திருக்கிறது என்று ஸ்டீஃபென்ஸூக்குப் பொறி தட்டியது. தன் கையில் கிடைத்த புத்தகங்களை எல்லாம் படித்தார். பொறி ஆர்வ நெருப்பானது.
ஸ்டீஃபென்ஸின் ஆரம்ப ஆராய்ச்சிகள் நாகரிகப் புதையல் கிடக்கும் சாத்தியக் கூறுகள் அதிகமாக இருப்பதாக ஆரூடம் கூறின. தானும் ஓவியர் காதெர்வுட்டும் சேர்ந்து பணியாற்ற இது நல்ல வாய்ப்பு என்று ஸ்டீஃபென்ஸ் நினைத்தார். காதெர்வுட்டை இங்கிலாந்திலிருந்து புறப்பட்டு, தான் வாழும் மத்திய அமெரிக்கப் பகுதிக்கு வரச் சொன்னார்.
1839 – இல் இருவரும் சேர்ந்து தங்கள் அகழ்வாராய்ச்சிகளைத் தொடங்கினார்கள். தோண்டத் தோண்ட வியப்பான கட்டடங்கள், கோயில்கள், கல்லறைகள், பிரமிட்கள், ஓவியங்கள், சிற்பங்கள், புத்தகங்கள் ஆகியவை கிடைத்தன.
இருவர் திறமைக்கும் இவை அபாரத் தீனி போட்டன. 1841 ல் தங்கள் கண்டுபிடிப்புகளைப் புத்தகமாக இவர்கள் வெளியிட்டார்கள்.
“கணிதம், வானியல் போன்ற துறைகளில் மாயர்கள் இத்தனை சாதித்திருக்கிறார்களா?” என்று உலகம் வியந்தது.
இந்த வியப்பு உலகின் இன்னும் பல ஆராய்ச்சியாளர்களைத் தூண்டியது. இவர்கள் மத்திய அமெரிக்காவில் பல இடங்களைத் தோண்டினார்கள், விலை மதிப்பற்ற ஆதாரங்களைக்கண்டு பிடித்தார்கள்.
இவர்களுள் மிக முக்கியமானவர்கள் எரிக் தாம்ஸன் (Eric Thompson) ஸில்வானஸ் மோர்லி (Sylvanus Morley) என்ற அமெரிக்க ஆராய்ச்சியாளர்கள். மாய விவசாயம், ஆட்சி முறை போன்ற துறைகள் பற்றிய இவர்களின் கண்டுபிடிப்புகள் மிக முக்கியமானவை.
மாயன் நாகரிகம் 2000 ஆண்டுகள் செழித்து ஓங்கியது. கி. பி. 1517 வரை, அதாவது சுமார் 500 ஆண்டுகளுக்கு முன்னால் வரை இருந்த நாகரிகம். இன்றும் சுமார் அறுபது லட்சம் மாயன்கள் இருக்கிறார்கள். இவர்களில் பெரும்பாலானவர்கள் பெரு நாட்டில் வசிக்கிறார்கள். மற்றவர்கள் மெக்ஸிகொ, கவுதமாலா, பெலிஸே ஆகிய நாடுகளிலும் வசிக்கிறார்கள். இந்த “ஒரிஜினல்” மாயர்கள் அனைவரும் பண்டைய விவசாய, கலை நுணுக்க வேலைப்பாடுகள் ஆகியவற்றை இன்றும் கடைப்பிடிக்கிறார்கள்.
இத்தனை சிறப்புகள் கொண்ட மாய நாகரிகம் ஏன் மறைந்தது?
ஆராய்ச்சியாளர்கள் பல காரணங்கள் சொல்கிறார்கள்.
மாயன்கள் தங்கள் இயற்கைச் சூழ்நிலையைக் காப்பாற்றுவதில் அதிக கவனம் காட்டவில்லை. காடுகள் நிறைந்த தங்கள் பகுதிகளின் மரங்களை வெட்டிச் சாய்த்தார்கள். மரங்கள் விழுந்தன, மழை குறைந்தது. பஞ்சம், பசி, பட்டினி, நோய்கள் பெருகின. மாய சமுதாயம் இவற்றுக்கு பலியானது.
இன்னொரு முக்கிய காரணம் ஸ்பெயின் நாடு. பதினைந்தாம் நூற்றாண்டில் படையெடுத்த ஸ்பெயின் சுமார் 90% மாயன் மக்களைக் கொன்று குவித்தது. மீதம் மக்கள் தங்கள் உயிரைக் காப்பாற்றிக்கொள்ள பெரு போன்ற நாடுகளுக்கு ஓடிப் போனார்கள்.
இன்று ஏகதேசம் மறைந்து போனாலும், தங்கள் பொற்காலத்தில் மாயர்கள் செய்த சாதனைகள், தொட்ட சிகரங்கள் மிக மிக முக்கியமானவை. ஒவ்வொன்றாகப் பார்ப்போம்,